[b]ممكن بـِ سـِم..
ممكن بـ حتة موس..ويخلص كل دم
ممكن تـِ شـِم
تفضل تـ شـِم تـْ شـِم
تتحَـوِّل عَدَم
ممكن تروح الغابة عند الزوحلفة
تلقى الأسـد..واقف وفاكرك مـِ الغنم
ممكن بـ سلكين كهربا
واشبك صوابعك وسطهم..
وارقص ياعم
ممكن تموت مـ الضحك..من كـُتر الألم
ممكن جوراحك كلها تفضل كئيبة
والنبضة فيك مستغربة...حاجه عجيبة
نايم وفجأة
جتتك...تغرق فـ هم
ممكن فـ مرة تكون بتلعن دنيتك
فـَ تـنُط من فوق الهرم
تنزل صنم
أو مرة تفرح في الخيال..وتروح بعيد
تشطح أوي
ويقولوا : حسرة عليه...شباب
باراشوت أحلامه اتخرم
اهـمَد بقى ..قلبك حـِفي
نام وانكفي..بكفاية قسوة ومرمطة
وكفاية غم
ده العافية نعمة من النعم
ألفين طريقة موت ..ومليون اغتيال
هل ياترى..يبقى النصيب مش مـِنُّهُم
هل ياترى..هتموت شـهـيـد ؟
ربـك كـريـم..
إدعيه و زَوِّد مـِ العَشـَمْ