[b]لسا الزمن
موجوده ريحته في كل جلاليب الجدود
لسه حكاويهم علي امجادنا والشهدا الجنود
لسانه جيل من بعد جيل شقيان علينا التعبانين
داعيالنا ربات البيوت
فازاي تموت
ماهي ياما تعبت مننا
ولا عشان ما اتدهورت
وحالتها راحت للخطر
هتشيل كفوفنا خدنا
مصر امنا
واحنا الولاد فمتقلقوش
بين السواقي والسواعد والشجن إحنا البيوت
بين الي طارح م الأراضي والزمن
إحنا الورود
بيني وبينكم حبها وان كان لها
عيل جحود هنأدبه
بس الحقوها كلكم
لا الصدر ميكفيش لبن
آآآآآه يا زمن
من امتى َكان طعم الوطن مايع اوي
مصر اللي كانت طعمها سكر نبات
وساعات تبات يشرُخ في زورنا مرها
تلقانا راضيين من سكات
دلوقت صابح طعمها زي الـ مفيش
او يمكن احنا من الزعل عاجزين ندوق
او يمكن ايه او ايه الي مش ممكن
انا جاي اطمنكم وانا..
هتجن واطمن
زعلانه يامّه واحنا ليكي زعلانين
عاوزانا يامّه واحنا اصلا محتاجين
بس انتي هتقومي لنا
دانا كل ما بيأس وبلعن بافتكر
ان انتي شامخه رغم زلات العذاب
وازاي تموتي وربنا جوا الكتاب
خلا الي داخل فيكي ضمن الامنين
فازاي تموتي يالي حبك فينا دين
