تيجي نخلي المستحيل ممكن
والصدي
اعلي من النواح
والأمل خطوة في حياتنا
بتجرنا للممكنات المستحيله
تيجي نرمي الهلب
قبل اما نرسي
...وندوق في ملح البحر
ونحبيي في ضل الموج
فيوصلنا للذروه
في نشوة الحب البريء............
خوفنا ع الصراع فوق السفينه
بين القلوع الممكنه والمستحيله
بيضحكنا فعلا
ساعتها بيغازلنا القمر
وبيرقص الضوء رقصة خلاصه
من تبعيته للشمس
فيبص لينا السمك
ويتنفس نسيمك
فيغادر البحر
ويطوف حاولين الهلب
اللي كان شاهد اخير
للغزل بيني وبينك
قبل انفعال البر منا
غيرَه ممكن
حِقد ممكن
بس الأكيد انه واحشه
صوت طبطبة رجلك عليه
انتي انتي
فتسيبيله ذكرا
يصبر رمله بيها
حبك لرسمه فوق جبينه
مكتوب عليها اسمنا
سهمين وقلب بينتفض
لحظة وقوف رجلك عليه
في اخر خطوه م المستحيل
وقفزتنا للممكن
في حب اسطوري
